!الغربة
بالغربة بتكون ماشي عالطريق وما حدا بيسألك كيفك
ليش مش عم طل!؟
وينك يا زلمي! على أساس بدك تعملنا زيارة!؟
دخلك فلان شو اخبارو عم تشوفو؟
!!مظبوط إبن فلان وقع كسر حالو؟
سلامتك خبرونا ساخن! نشالله صرت أحسن
ولك نتبه كنت خمشتا! والله خمشتا! يالله روح صحتك بالدني
!!بدك تدفع يعني بدك تدفع
شو خبير!! ما بدا خبير!! مبيني
الوضع ما بطمن أبداً
!خلص روح مش بيناتنا!! ولو
!ولك شو مبروك! الله يهنيك
الحمدلله علسلامة نشالله ما خسك!
!كيف الشباب.. طلوا صوبنا
هيدا عفكرة بيعمل أطيب فلافل بالمنطقة! جربو ما بتندم
!منيح ما تسممت ..
!فبتتعود إنو ما حدا يسألك أو يخبرك شي.. أيا شي ولو سخيف جداً
!وببلدك إرجع لحق على اسئلة!! وبصير كل سؤال بسيط إلو معنى.. ولو ما إلو معنى
!وإرجع لحق على خيبات أمل.. وكل خيبة أمل الها معنى.. وبالنسبة لكتير ناس ما الها معنى
!بصير ما بدك تسمع صوت حدا
الغربة بتعلمك كيف تعيش ببلدك، وبلدك بعلمك كيف تعيش بالغربة.. وشو بيصير بلدك الغربة والغربة بلدك
Advertisement
